Омыртқа гемангиомасы
Омыртқа гемангиомасы — бұл омыртқа денесінің ішінде пайда болатын қан тамырлы «түзіліс». Көп жағдайда ол ешқандай белгі бермейді және жиі МРТ кезінде кездейсоқ табылады. Гемангиома халықтың шамамен әр оныншы адамынан анықталады. Әдетте қауіпсіз болғанымен, кей жағдайларда ол үлкейіп, омыртқа құрылымын әлсіретіп, уақыт өте келе белдің ауыруын, аяқтардағы ұю мен әлсіздікті, жүйке түбірлерінің немесе жұлынның қысылуын тудыруы мүмкін. Емделмеген жағдайда омыртқа денесінің компрессиялық сынуына дейін апарып, адамның жағдайын күрт нашарлатуы мүмкін.
Бүгінде гемангиоманы емдеудің тиімді және қауіпсіз әдістерінің бірі — перкутандық вертебропластика. Бұл — теріге кішкентай тілік арқылы жасалатын кіші инвазивті процедура. Операция кезінде әлсіреген омыртқа денесіне арнайы медициналық цемент енгізіледі. Ол омыртқаны бекітіп, гемангиоманың өсуін тоқтатады және ауырсынуды жылдам басады. Процедура шамамен 20–30 минутқа созылады, жалпы жансыздандыру жасалады, ал науқас бірнеше сағаттан кейін-ақ өздігінен жүріп тұра алады.
Тараз қалалық көпбейінді ауруханасында мұндай операциялар күн сайын тәжірибелі нейрохирургтармен заманауи құрал-жабдықтар арқылы жүргізіледі. Ең маңыздысы — вертебропластика МӘМС бойынша, яғни көрсетілімдері болса, науқас үшін тегін жасалады. Егер МРТ кезінде сізден гемангиома анықталса немесе беліңіз ауырып, аяқтарыңызда әлсіздік сезілсе, уақыт созбай маманға қаралған жөн. Ерте диагностика мен дер кезінде емдеу асқынулардың алдын алуға және өмір сапасын сақтауға мүмкіндік береді.